Atap aıtqanda, 2025 jyly 7 sáýirden bastap Agenttik qyzmetkerleri elimizdiń joǵary oqý oryndary men kolledjderinde ǵylymı-oqytýshylyq qurammen birlesip jastar arasynda qarjylyq qaýipsizdikti arttyrý maqsatynda dárister ótkizýde.
Aıta ketý kerek, ýnıversıtet oqytýshylary Agenttik qabyrǵasynda aldyn ala arnaıy daıyndyqtan ótken bolatyn.
Is-sharaǵa qala, oblys ákimderi jáne basqa da tanymal tulǵalar belsene qatysty.
Búgingi kúnge deıin 200-den astam oqý ornynda dárister ótkizilip, 100 myńnan asa tyńdaýshy jınaldy.
Stýdentterge qarjy pıramıdalardy qalaı anyqtaýǵa bolatynyn, dropper degenimiz ne, oǵan qalaı tartylatyny jáne buǵan baılanysty qandaı jaýapkershilik bar ekendigi túsindirildi.
Eske sala keteıik, 20 naýryz ben 18 sáýir aralyǵynda qarjylyq qaýipsizdik jónindegi Ulttyq olımpıadaǵa tirkelý júrgizilýde.
Olımpıadaǵa «Quqyqtaný», «Ekonomıka», «Halyqaralyq qatynastar», «Aqparattyq qaýipsizdik» bilim berý baǵdarlamalary boıynsha 2-3 kýrs stýdentteri men 1 kýrs magıstranttary qatysa alady.
Olımpıadanyń maqsaty – jastardyń qarjylyq-quqyqtyq saýattylyǵyn arttyrý, qarjylyq qaýipsizdik salasyndaǵy qazirgi trendterdi kórsetý jáne osy saladaǵy qaýipter men táýekelderge qarsy turýdy úıretý.
Olımpıada jeńimpazdary bıyl qyrkúıek aıynda Reseı Federasııasynyń Krasnoıarsk qalasynda ótetin Halyqaralyq qarjylyq qaýipsizdik olımpıadasynda elimizdi tanystyratyn bolady.
